Y Grŵp Trawsbleidiol ar Gymru Ryngwladol 

Dydd Mercher 14 Gorffennaf 2021

12:30pm - 13:30pm

Yn bresennol:

Heledd Fychan AS, Cadeirydd

Rhun ap Iorwerth AS (Cyn Gadeirydd)

John Griffiths AS

Delyth Jewell AS

Heledd Roberts – Swyddfa Rhun ap Iorwerth AS

Sian Hollaran – Cydlynydd Rhyngwladol, Colegau Cymru

Rhiannon Hughes – Cyfarwyddwr Gwyliau, Gŵyl Ffilm Ieuenctid Wicked Wales

Claire O’Shea - Pennaeth Partneriaethau, Hub Cymru Affrica

Hayley Richards – Swyddog Eiriolaeth, Oxfam Cymru

David Anderson - Cyfarwyddwr Cyffredinol, Amgueddfa Cymru

Dr Walter Ariel Brooks – Pennaeth Addysg, British Council Cymru

Alison Cummins – Rheolwr Cyfathrebu a Chysylltiadau Allanol, British Council Cymru

Natasha Nicholls – Pennaeth Celfyddydau, British Council Cymru

Rosa Bickerton – Rheolwr Prosiect, British Council Cymru

Maija Evans – Rheolwr Addysg, British Council Cymru

Rebecca Wignall – Rheolwr Celfyddydau, British Council Cymru

Calum O'Byrne Mulligan – Cynghorydd ar Faterion Gwleidyddol, British Council

Ymddiheuriadau:

Alun Davies AS

Darren Millar AS

Jenny Scott, British Council Cymru

1. Croeso gan y Cyn-gadeirydd a’r Cyfarfod Cyffredinol Blynyddol

Estynnwyd croeso i bawb i’r cyfarfod gan gyn-gadeirydd y grŵp, Rhun ap Iorwerth.

Dywedodd Rhun ap Iorwerth (RI) ei fod am gamu i lawr fel cadeirydd a chafwyd pleidlais i ddewis cadeirydd newydd i’r grŵp ar gyfer y 6ed Senedd.

Enwebwyd Heledd Fychan AS (HF) gan RI, cynhaliwyd pleidlais, a dewiswyd HF fel cadeirydd newydd.

Cytunodd British Council Cymru i barhau i weithredu fel Ysgrifenyddiaeth y Grŵp.

Diolchodd RI i British Council Council am ei waith fel Ysgrifenyddiaeth y Grŵp yn ystod y 5ed Senedd.

Diolchodd HF i RI am ei waith fel Cadeirydd y Grŵp.

Cadarnhawyd mai’r canlynol fyddai aelodau’r grŵp:

Cadeirydd: Heledd Fychan AS

Rhun ap Iorwerth AS

Alun Davies AS

John Griffiths AS

Darren Millar AS

Jenny Scott – Ysgrifenyddiaeth, British Council Cymru

2. Blaen Raglen Waith y Grŵp

Trafodwyd syniadau ar gyfer blaen raglen waith y grŵp a phenderfynwyd bwrw ymlaen gyda’r canlynol:

· Ymholiad i gysylltiadau rhyngwladol Cymru

· Cymru sy’n gyfrifol ar lefel fyd-eang

· Rhaglen Cyfnewidfa Dysgu Rhyngwladol newydd Cymru

· Addysg Ieithoedd Modern yng Nghymru

· Pwyllgor Argyfyngau Trychineb (DEC)

Croesewir awgrymiadau am faterion eraill i’w trafod – dylid danfon y rhain at: team.wales@britishcouncil.org

3. Camau Gweithredu

· HF i ysgrifennu at y Prif Weinidog ynglyn â chynllun Llywodraeth y Deyrnas Unedig i dorri cymorth dyngarol a Brechlyn y Bobl

· HF a British Council Cymru i gwrdd i drafod llunio’r blaen raglen waith

· HF i drafod sut y gall y grŵp ychwanegu gwerth i waith y Pwyllgor Diwylliant, Cyfathrebu, y Gymraeg, Chwaraeon, a Chysylltiadau Rhyngwladol gyda Chadeirydd y Pwyllgor hwnnw, Delyth Jewell AS

Bydd dyddiad y cyfarfod nesaf, a gynhelir yn ystod tymor yr Hydref, yn cael ei anfon at aelodau’r grŵp unwaith y bydd y trefniadau wedi’u cadarnhau.